Flugmódelfélag Akureyrar

Skrapp inn í Hyrnu til að ganga frá routernum, sendinum, síma og rafmagnstengil á vegginn aftur og til að koma Internetmálum í gott lag. Það er gjört en þráðlausa myndavélin er kaputt og þarf ég að taka hana með mér til Akureyrar og stilla þar upp á nýtt. Tók nokkur flug á P-51D Mustang áður en ég fór en var svo skotinn niður af Messerschmitt Bf 109. Ég sá Mersserschmittinn aldrei. kv, KIP

Í dag var hlýtt og gott á Melunum – mikið flogið og spjallað.

Kjartan og Guðmundur fóru inná Melgerðismela í dag með kósangas kút og brennara til að bræða niður tjörupappan á þakinu. Sólskin og hiti lék um okkur nema að það var 20 knúta suðsuð vestan rok svo við nenntum ekki að setja saman módelin okkar til að fljúga.
Um síðustu helgi þegar grand opening var í Hyrnu þá barst í tal sagan um stríðsflugvöllinn “Kassos field” sem eru Melgerðismelar, Amerikanarnir nefndu flugvelli sína eftir föllnum flugmönnum. John G Kassos fórst á Melgerðismelum í Bell P39 Airacobra þegar hann crassaði í hólunum um 1000 metra frá flugbrautinni okkar í svarta þoku.
Við Kjartan ákváðum að reyna að finna staðin sem flakið átti að hafa legið.Eftir að hafa strunsað fram og aftur um svæðið þá var afraksturinn ekki mikill,
smá álbútur kramin bremsurör (giska ég á) og skothylki frá 1941 sjá mynd. enn einnig fundum við svaka stóran dósa haug sem virðist vera gamlar olíudollur.
tímin leið hratt frá okkur þannig að við gátum ekki rannsakað svæðið lengur og fórum við heim.

Sjá fleiri myndir hér

Grand Open á Melunum sem átti að vera laugardaginn 22. maí, verður haldið þann 12 júní n.k. Ástæða þessarar frestunar á opnun var sú að verið var að vinna í nauðsynlegum endurbótum á norðurgafli Flugstöðvar Þórunnar Hyrnu.

Það var sannarlega veður til að fljúga í gærkvöldi á fyrsta fimmtudagsfundi inna Melum. Þegar við mættum uppúr átta var um 15 til 20 hnúta vindur, en hann lægði fljótlega og það varð alveg dauða-logn alveg fram undir 11 þegar við fórum.

Átta módelkallar höfðu það gott og flugu sig hása. Árni Hrólfur flaug Gremlin í fyrsta sinn og hann var svi hrifinn að hann brosti hringinn eftir flugið. “Nýji” Trainer 60 sem Ásgrímur á flaug eins og draumur og hann tók í og flaug honum nokkra hringi.

Skoðið frekari umfjöllun um kvöldið og myndir á spjallvef módelmanna á Fréttavefur.net.

Jæja, þá er sumarið (vonandi) komið. Nú ætlum við að hafa þetta eins og í fyrrasumar og hittast á Melgerðismelum á fimmtudagskvöldum klukkan 20:00. Ef það er veður til að fljúga, þá fljúgum við af krafti á meðan dagsbirtan leyfir. Ef ekki er veður til aðfljúga, þá bara gerum við eitthvað annað: hellum á kaffi, opnum poka af kleinum, dittum að skúrnum okkar o.s.frv.

Sjáumst á morgun.

Þá er að draga að verklokum í Hyrnunni. Það er búið að mála tvær umferðir af hvítu og eina af gráu. Nu vantar bara eina (hugsanlega tvær) umferðir í viðbót og Hyrnan er mönnum bjóðandi í sumar.

Þegar við vorum búnir að mála í dag, þá flugum við nokkur flug í smá strekkingi milli þess sem fallhlífarstökkvarar svifu yfir okkur.

Í dag mætti vaskur hópur frá Flugmódelfélaginu fram á Mela til þess að skipta um nokkrar fúaspýtur í Hyrnu. Þegar farið var að rífa kom hins vegar því miður í ljós að fúaskemmdirnar voru orðnar mun meiri en búist var við þannig að meiri aðgerða er þörf.

Einhverjir flugmódel menn voru búnir að vera á melunum á undan okkur, Guðmundi og Tómasi enn við komum c.a. kl 14:00 og þá var norð austan stinnings kaldi,10 til 15 knútar og ekki sála sjáanleg.Þegar leið á daginn minnkaði vindurinn niður fyrir 10 knútana og var frábært að fljúga þá. Veðrið var svo gott að við ákváðum að fara í fornleifa leiðangur uppá kambana til að skoða rústirnar frá því úr stríðinu. Hörður Geirsson var búinn að segja mér frá flugvélaflaki úr stríðinu og áttu að vera einhverjir bútar eftir úr flugvélinni þarna. ekki fundum við neitt af því og flest allt frá tíma hersins þarna að hverfa. Frábær dagur á Melgerðismelum og fórum við heim glaðir í lund kl 18:30

Hérna eru svo allar myndirnar sem við tókum

Kveðja Gummi og Tommi.

Sunnudaginn 16. maí verður unnið við að lagfæra norðugafl Hyrnu.

• Smári sér um að redda vinnupöllum hjá Óla
• Svenni kemur með sögina sína fínu
• Kjartan sér um timbur, skrúfur, nagla og fúavörn sem og annað úr BYKO
• Georg sér um að koma með kaffinu eða vöfflubakstur
• Gummi verður skemmtilegur!!
• Guðjón sér um að kyssa á bágtið þegar Kjartan lemur á puttann á sér!!
• Allir komi með verkfæri