Flugmódelfélag Akureyrar

Aðalfundur Flugmódelfélags Akureyrar verður haldinn laugardaginn 28. janúar klukkan 20:00 í Flugsafni Íslands.

Dagskrá fundarins verður samkvæmd lögum félagsins:

• Skýrsla um starfsemi á síðasta ári.
• Reikningar lagðir fram til samþykktar.
• Kosning stjórnar og endurskoðanda.
• Kosning í nefndir.
• Tillögur teknar til meðferðar.
• Önnur mál

Stjórnin

Flugmódelfélag Akureyrar ætlar að standa fyrir námskeiði í smíði flugmódela fyrir byrjendur ef næg þátttaka fæst. Módelið sem smíðað verður kallast Sky 40 og er hannað af Tony Nijhuis og framleitt af SLEC í Englandi. Þetta er afar vel hannað og vel út fært módel sem auðvelt er að smíða og fljúga.

Stefnt er að því að námskeiðið verði tvö til þrjú kvöld í viku í febrúar til apríl. Nánari dagsetningar á námskeiðinu og verð, verða auglýst hér á vef félagsins. Þeir sem hafa áhuga á þátttöku geta haft samband og fengið upplýsingar með því að senda póst á netfangið gaui@grisara.is.

Þrír félagar úr Flugmódelfélagi Akureyrar mættu á Flugsafnið í dag og fóru í gengum all marga kassa af dóti sem þurfti að flokka og frumskrá. Þetta ver hluti af sjálfboðavinnu sem Hollvinafélag Flugsafnsins skipuleggur.
Þetta var ansi skemmtileg vinna og ótrúlegt hvaða dót hefur borist safninu, sem þarf að skoða og ákveða hvað á að gera við það.
Vonandi koma fleiri næst.

Það voru fjórir harðir kallar sem mættu inn á Mela í morgun og tóku nokkur flug í logni og blíðu.

Það var auðvitað gert smá vídeó:

Laugardaginn 19. nóvember var skemmtilegur dagur á Melunum í kulda og nokkrum blæstri. Auðvitað var hrært í eitt lítið vídeó frá deginum:

Haustið ætlar að fara vel með okkur hér í Eyjafirði og í dag skruppum við Gummi, Sveinbjörn og Gaui á Melana og flugum í haustblíðunni: stafalogni og fimm stiga hita. Það verður vonandi hægt að fljúga svona í allan vetur.

Það er stundum mikið fjör í smíðaaðstöðu félagsins í Slippnum. Í kvöld var margmenni samankomið og m,ikið fjör eins og sést á myndinni.

Á myndina vantar Didda, Sveinbjörn og Þorstein, sem voru á leiðinni út þegar hún var tekin.

Það var tveim módelum prufuflogið á Melgerðismelum í morgun. Guðjón og Árni prufuðu SKY-40 og tóku upp vídeó í sambandi við það og Kjartan prófaði ónefnda svifflugu sem hann var að setja saman. Bæði flug tókust með ágætum.

Og hér er vídeóið sem þeir voru að gera:

Þeir sem vilja æfa IMAC geta byrjað – nú er basic known 2012 komið út og ekki neitt því til fyrirstöðu að fara að æfa sig. Smellið á linkinn hér að neðan og sækið skjalið með æfingunum.
2012_BASIC

Fyrir þá, sem ekki vita hvað IMAC er, þá er um að ræða listflug þar sem flogið eftir ákveðnum reglum en listflugferlarnir breytast frá ári til árs. Frekari upplýsingar má finna á heimasíðu IMAC: http://www.mini-iac.com/

Skrapp inná flugvöll í morgun til að kíkja á DH Dragon Rapid flugvélina sem nokkrir flugáhugamenn á Akureyri eru að gera upp.Fékk að mynda og smíða smá líka. Þar var einnig Dúi Eðvaldsson okkar heiðurs meðlimur í FMFA og afmælisbarn dagsinns að vinna, þar sem þetta var hans áttugasti afmælisdagur þá þurfti hann að sinna fjölskyldu vinum líka og staldraði stutt. Við óskum honum hjartalega til hamingju með daginn

Kv Guðmundur Hér er hægt að skoða fleiri myndir