Flugmódelfélag Akureyrar

Næst-síðasta klúbbkvöldið

Gaui — Fri, 20 Aug 2010 20:08:20 +0000

Næst síðasta klúbbkvöldið heppnaðist einstaklega vel þó ekki væri hægt að fljúga neitt. Gummi hrærði upp í nokkrar vöfflur og við sötruðum kaffi og sögðum sögur fram eftir kvöldi. Vonandi verður jafn góð mæting næst þegar síðasta klúbbkvöldið á Melunum verður þetta árið – og jafnvel hægt að fljúga !

Gummi bakar vöfflur

Við hinir drukkum kaffi

Styrktaraðilar Flugkomunnar 2010

admin — Tue, 17 Aug 2010 15:48:12 +0000

Flugmódelfélag Akureyrar þakkar eftirtöldum aðilum fyrir stuðninginn:

Flugkoma 8. ágúst 2010

gummi — Wed, 11 Aug 2010 23:10:34 +0000

Flugdagurinn okkar var haldinn 8. ágúst sl. og tókst með ágætum. Þáttaka var í minni kantinum þetta árið en dagurinn byrjaði með rigningu í logni mest allan morguninn og sátum menn hjá sér þangað til stytti upp um kl. 11:00 og flugsýningin hófst.

Menn voru duglegir að fljúga módelum sínum og nánast flugmódel sleitulaust í loftinu til 17:00. Lognið og blíðan hélst allan daginn og fram á kvöldið og við Grilluðum svo í lokin um kl. 20:00, 40 skammta í 28 manns þannig að óhætt er að segja að enginn hafi farið að sofa svangur.

FMFA þakkar öllum sem tóku þátt í þessari frábæru skemmtun og þakkar sérstaklega félögum sínum í Flugmódelfélaginu Smástund, Flugmódelfélaginu Þyt og Flugmódelfélagi Suðurnesja fyrir komuna.

Myndir komnar á myndasíðuna.

Árleg flugkoma FMFA

Gaui — Tue, 03 Aug 2010 16:05:17 +0000

Þjóðverjinn náði mér

admin — Sun, 25 Jul 2010 22:25:27 +0000

Skrapp inn í Hyrnu til að ganga frá routernum, sendinum, síma og rafmagnstengil á vegginn aftur og til að koma Internetmálum í gott lag. Það er gjört en þráðlausa myndavélin er kaputt og þarf ég að taka hana með mér til Akureyrar og stilla þar upp á nýtt. Tók nokkur flug á P-51D Mustang áður en ég fór en var svo skotinn niður af Messerschmitt Bf 109. Ég sá Mersserschmittinn aldrei. kv, KIP

Flogið í blíðunni

arni — Sat, 24 Jul 2010 17:10:28 +0000

Í dag var hlýtt og gott á Melunum – mikið flogið og spjallað.

Viðgerð á vallarhúsi FMFA og leitin að Kassos

gummi — Wed, 16 Jun 2010 20:26:18 +0000

Kjartan og Guðmundur fóru inná Melgerðismela í dag með kósangas kút og brennara til að bræða niður tjörupappan á þakinu. Sólskin og hiti lék um okkur nema að það var 20 knúta suðsuð vestan rok svo við nenntum ekki að setja saman módelin okkar til að fljúga.
Um síðustu helgi þegar grand opening var í Hyrnu þá barst í tal sagan um stríðsflugvöllinn “Kassos field” sem eru Melgerðismelar, Amerikanarnir nefndu flugvelli sína eftir föllnum flugmönnum. John G Kassos fórst á Melgerðismelum í Bell P39 Airacobra þegar hann crassaði í hólunum um 1000 metra frá flugbrautinni okkar í svarta þoku.
Við Kjartan ákváðum að reyna að finna staðin sem flakið átti að hafa legið.Eftir að hafa strunsað fram og aftur um svæðið þá var afraksturinn ekki mikill,
smá álbútur kramin bremsurör (giska ég á) og skothylki frá 1941 sjá mynd. enn einnig fundum við svaka stóran dósa haug sem virðist vera gamlar olíudollur.
tímin leið hratt frá okkur þannig að við gátum ekki rannsakað svæðið lengur og fórum við heim.

Sjá fleiri myndir hér

Grand Open á Melunum á laugardag

Gaui — Wed, 09 Jun 2010 16:02:06 +0000

Grand Open á Melunum sem átti að vera laugardaginn 22. maí, verður haldið þann 12 júní n.k. Ástæða þessarar frestunar á opnun var sú að verið var að vinna í nauðsynlegum endurbótum á norðurgafli Flugstöðvar Þórunnar Hyrnu.

Frábær fyrsti fimmtudags fundur

Gaui — Fri, 04 Jun 2010 14:41:01 +0000

Gremlin flaug

Það var sannarlega veður til að fljúga í gærkvöldi á fyrsta fimmtudagsfundi inna Melum. Þegar við mættum uppúr átta var um 15 til 20 hnúta vindur, en hann lægði fljótlega og það varð alveg dauða-logn alveg fram undir 11 þegar við fórum.

Átta módelkallar höfðu það gott og flugu sig hása. Árni Hrólfur flaug Gremlin í fyrsta sinn og hann var svi hrifinn að hann brosti hringinn eftir flugið. “Nýji” Trainer 60 sem Ásgrímur á flaug eins og draumur og hann tók í og flaug honum nokkra hringi.

Skoðið frekari umfjöllun um kvöldið og myndir á spjallvef módelmanna á Fréttavefur.net.

Fimmtudagar á Melunum

Gaui — Wed, 02 Jun 2010 14:07:43 +0000

Das Ugly Stick

Jæja, þá er sumarið (vonandi) komið. Nú ætlum við að hafa þetta eins og í fyrrasumar og hittast á Melgerðismelum á fimmtudagskvöldum klukkan 20:00. Ef það er veður til að fljúga, þá fljúgum við af krafti á meðan dagsbirtan leyfir. Ef ekki er veður til aðfljúga, þá bara gerum við eitthvað annað: hellum á kaffi, opnum poka af kleinum, dittum að skúrnum okkar o.s.frv.

Sjáumst á morgun.