Flugmódelfélag Akureyrar

Á laugardaginn 21. júní tóku félagar í FMFA þátt í flugdegi hjá Flugsafni Íslands.  Við stilltum upp nokkrum módelum, Gaui dútlaði við Ögnina og tveir módelhermar voru í gangi.

Það má segja með sanni að okkar framlag til sýningarinnar hafi vakið mikla athyggli.  Fólk var að venju hissa á hversu stór flugmódel eru og bæði börn og fullorðnir reyndu sig í hermunum.

Í dag tóku nokkrir módelkallar undir stjórn Kjartans það að sér að sletta fúavörn á húsið okkar.  Og ekki veitti af, því það var orðið svo þurrt og þurfandi að á tímabili var óvíst að málningin dygði.  En nú er húsið orðið eins og nýtt og félaginu til sóma.

Í gær, laugardaginn 14. júní mætti handfylli af módelmönnum á flugsafnið og settu saman sýningarkassa fyrir safnið.  Þetta var skemmtilegt verk og gefandi og ljóst að þetta kemur sér vel fyrir safnið að hafa svona kassa.

Síðari aðalfundur FMFA var haldinn sunnudaginn 16. mars 2014 og er var fundargerð þessa fundar bætt við fundargerð fyrri aðalfundar 2014.

Aðalfundur FMFA var haldinn laugardaginn 1. mars 2014 og er fundargerðin komin á vefinn. Auka-aðalfundur verður svo að tveimur vikum liðnum.

Aðalfundur Flugmódelfélags Akureyrar verður haldinn í Bragganum í Flugsafni Íslands laugardaginn 1. mars klukkan 11:00.  Dagskrá venjuleg aðalfundarstörf:

• Skýrsla um starfsemi á síðasta ári.
• Reikningar lagðir fram til samþykktar.
• Kosning stjórnar og endurskoðanda.
• Kosning í nefndir.
• Tillögur teknar til meðferðar.
• Önnur mál

Ef einhverjar tillögur eru til lagabreytinga óskast þær sendar til stjórnarinnar fyrir fundinn.

Sjá lög félagsins: http://www.flugmodel.is/?page_id=3

Stjórnin.

FMFA félagar athugið að hið heimsfræga Melaslútt verður haldið laugardaginn 28. sept. Þá er uppskeruhátíð allra flugdeilda og lok sumarstarfsins. Matur og veitingar frá kl. 19.00 að vanda. Matur 1500 kr og bjór 500 kr. Mætum öll og sýnum kæti. Makar að sjálfsögðu velkomnir.

Stjórnin

Flugkoma FMFA var haldin á Melgerðismelum laugardaginn 10. ágúst.  Búið var að taka melana í gegn svo um munaði og brautirnar voru eggsléttar og mjúkar svo unun var að taka á loft og lenda.  Fjöldi flugmódelmanna kom að sunnan, kannski ekki eins margir og oft áður, en þó góður fjöldi.  Mikið rennerí var af áhorfendum (kannski út af umfjölluninni sem við fengum á Netinu, og vöfflusalan var stanslaus allan daginn.  Veðrið lék líka við okkur, örlítill vindur, lítil sem engin sól og sæmilega hlýtt.  Rigningin lát ekki sjá sig fyrr en klukkan sex þegar við vorum að hætta.

Hægt er að skoða myndir á Facebook síðu félagsins.