Mjög fallegt veður var á Melgerðismelum í dag og frostið um -9 gráður og þurfti að hella heitu vatni yfir lásin á hliðinu til að þýða hann. Guðmundur og Tómas voru mættir um hádegi með tvo Yak 54 með rafmagns mótorum. Kíktum við inn í Hyrnu, og þar var mjög hlýtt og notalegt. Á meðan batterí-in hlóðust út í bíl fengum við okkur kaffi og brauð. Eitt 10mín flug var tekið út á braut áður enn við flúðum kuldan og fórum heim.
Aðalfundur FMFA var haldinn í VMA á fimmtudag. Tólf áhugasamir félagsmenn létu sjá sig og spjölluðu um ýmsa hluti er varða félagið fram eftir kvöldi.
Tveir nýir menn voru kosnir í stjórnina, þeir Jón Guðmundur Stefánsson og Tómas Jónsson, en Kristinn Ingi Pétursson og Þröstur Gylfason gáfu ekki kost á sér áfram í stjórn.
Hægt er að lesa fundargerðina undir „Um félagið“
Mætt var á Melgerðismela í hádeginu og flogið fram í myrkur (til 15:00 hehe) í frábæru veðri og skemmtum okkur frábærlega.
Setti myndir og vídeó inná „Myndir“
kíkið á þær
Kveðja 
Við hjá FMFA erum á fullu við að smíða þessa dagana og póstum árangurin á Frétta vef flugmódelmanna á Íslandi sjá HÉR
HÉR er smíðað á Grísará
og HÉR er smíðað í Brekkusíðu 1
Kveðja 
Flott afmælisterta
Veislan sem haldin var á laugardag í tilefni af því að þrjátíu ár eru liðin frá því Flugmódelfélag Akureyrar var stofnað var sérlega vel heppnuð. Á þriðja tug módelmanna og maka mættu í Flugsafn Íslands og fengu sér afmælisköku, kaffi, snittur og vín saman á meðan fornir tímar og taktar voru rifjuð upp.
Kristján Víkingsson og Björn Sigmundsson sögðu frá stofnun félagsins. Stofnfélagar voru hugsanlega fimm, samkvæmt því sem þeir höfðu rifjað upp, þeir tveir, Þorsteinn Eiríksson, Guðmundur Karl Jónsson og Einar Páll Einarsson. Félagið var stofnað upp úr flugsýningu sem haldin var á flugvellinum á Akureyri síðla sumars 1979. Á þeirri sýningu flugu Einar Páll og Jón Pétursson módelum og þeir voru síðan aðal kennarar módelmanna á Akureyrir þangað til þeir höfðu áð tökum á stýringunum.
Ýmislegt fleira skemmtilegt kom fram í veislunni og verður hugsanlega sagt frá því hér síðar. Þangað til er hægt að Skoða myndir frá veislunni.
Vélflugfélagið ætlar að halda Melaslútt á Föstudaginn 18 september næstkomandi og allir flugáhugamenn og konur velkomin. Mæting er á milli 19:00 og 20.00 og byrjað að grilla kl 20:00.
Módelmenn sýnum nú góðan lit og mætum með bjórinn í grillið og chillum fram á kvöld
GH
Skrapp með Aviatorinn á mela í morgun, heiðskýrt og logn, frábært veður og frábært að fljúga. Kv, Kip
Klúbbakvöldin á fimmtudögum hafa verið skemmtileg á Melunum í sumar og flest kvöld hefur verið hægt að fljúga. Nú er hinsvegar komið haust og upp úr hálf níu er orði það dimmt að ekki er mögulegt að fljúga lengur. Því verða ekki fleiri klúbbakvöld þar fyrr en næsta sumar. Þeir sem vilja geta, hins vegar, mætt í skúrinn á Grísará á fimmtudagskvöldum til að fá smá balsaryk, kaffi og hugsanlega smá kex eða súkkulaði.
gaui
Flug byrjaði vel fyrir klukkan 9 og stóð yfir nær stanslaust langt fram á kvöld. Um kvöldið var svo sameiginlegt grill sem um 30 manns mættu í og skemmtu sér vel fram á nóttina.
Hægt er að skoða fjölda mynda frá flugkomunni á myndasíðu FMFA.
Ég vil þakka öllum þátttakendum fyrir skemmtilegan dag og hlakka til að hitta ykkur öll aftur laugardaginn 7. ágúst 2010.
Flugmódel af öllum stærðum og gerðum
Flogið verður flugmódelum af öllum gerðum, frá tvíþekjum úr fyrra stríði til nútíma þota sem fljúga hraðar en hljóðið.
Um kvöldið verður grillað við Hyrnuna og verður rukkað fyrir það á staðnum og/eða seldir matarmiðar yfir daginn.
Þráðlaust net er á staðnum þannig að menn geta komið með ferðatölvur og tengst Internetinu.
